ILOILO — Gindeklarar nga dead-on-arrival sa ospital ang 27-anyos nga iloy sang nalumos sa baybayon sakop sang Brgy. Gines, Miagao kahapon sang aga.
Suno kay Police Major Richard Lao, hepe sang Miagao Municipal Police Station, nakit-an sang mangingisda ang lawas sang babaye nga nagalutaw sa baybay gani nagtawag sa mga pulis kag sa Municipal Disaster Risk Reduction and Management Office – Miagao.
Sang nagresponde ang MDRRMO, gin-revive pa ang babaye antes gindala sa ospital pero gindeklarar nga dead-on-arrival.
Sa pagpangusisa sang mga pulis sa pamilya, may post-partum disorder ang babaye tungod bag-o lang nagbata.
Kumbinsido ang pamilya nga wala sang foul play nga natabo sa ila himata, suno kay Lao. — Aksyon Paula Elambayo
