Pavia LGU matanyag sang reward money sa makahatag impormasyon sa mga suspek sa pagpangawat sa GT Town Center

ILOILO — Matanyag man sang reward money ang Local Government Unit sang Pavia sa makatumod sa suspek sa pagpangawat sa Money Changer kag Pawnshop and Jewelry sa GT Town Center, Ungka II, Pavia.

Ini ang suno kay Police Captain Ritz Field Presquito, hepe sang Pavia Municipal Police Station.

Sa pagpaathag sang hepe, wala pa sang may ginhatag nga exact amount ang LGU kon pila ang ihatag.

Sa mahibaluan may isa ka concerned citizen nga una na nagtanyag sang P50,000 nga reward sa makatumod sa mga suspek sa pagpangawat.

Wala pa sa gihapon sang identity ang Special Investigation Team (SIT) sa mga suspek. — Aksyon Angel Mae Ciudad