ILOILO— Naglab-ut sa 114 ka mga sakayan ang naguba tungod sa storm surge sa island barangays sa Concepcion.
Ini ang base sa partial data sang Municipal Disaster Risk Reduction and Management Office (MDRRMO).
Sa amo nga numero, 83 ang partially damaged kag 31 ang totally damaged.
Sige-sige pa nga ginatipon sang MDRRMO ang mga detalye sa na-damage sang mabaskog nga balod kagab-i. Posible naman nga madugangan ang numero sang nagkalaguba tungod sa padayon nga assessment.
Naguba man ang shoreline protection sa Brgy. Maliog-liog. Gin-report man nga naguba ang porsyon sang semento sang alagyan sa Brgy. Igbon.
Kagab-i na-eksperyensyan ang mamadlos nga hangin kag high tide. — Aksyon Farrah Mae Morano
