ILOILO — Patay ang driver sang motorsiklo samtang pilason ang driver sang pick-up kag isa (1) pa niya kasakay sa aksidente sa Barangay Dawis, New Lucena, las-11:57 kagab-i, Enero 5.
Suno kay Police Lieutenant Cosmeflor Marco, Jr., hepe sang New Lucena Municipal Police Station, halin sa Pototan ang driver sang motorsiklo nga si Vincent, 32-anyos kag residente sang Mina sang nabungguan sang kasugata nga pick-up.
Halin sa Dumangas ang pick-up nga ginamaneho ni alyas Cris, 39-anyos, residente sang Quezon Province.
Base sa imbestigasyon, wala nakabalo si Cris nga crossing ang area.
Sa pagpaathag ni Marco nga kon indi ka pamilyar sa karsada indi gilayon matumod nga may crossing sa unhan.
Sa subong admitted man sa ospital ang driver sang pick-up kag ang isa pa niya ka upod sa salakyan. — Aksyon Angel Mae Ciudad
