ILOILO CITY — Lunsay nakapasar ang 12 ka mga graduates sang West Visayas State University – College of Law sa 2025 Bar Examinations.
Ini base sa resulta nga ginpaguwa sang Supreme Court of the Philippines subong nga adlaw.
Sa 12, 11 ang first-time takers.
Naglab-ut sa 5,594 ka mga examinees ang nakapasar sa 2025 Bar Examinations base sa announcement sang Supreme Court subong nga hapon.
Nagakahulugan ini sang 48.98% nga passing rate suno kay SC Associate Justice Amy C. Lazaro-Javier, Chairperson sang 2025 Bar Examinations Committee.
Gin-aprubahan sang SC ang passing grade nga 75.
Gintalana sa Pebrero 6 ang oath-taking and signing sang Roll of Attorneys.
