ILOILO — Na-recover ang P6.5 million nga balor sang suspected shabu sa Punong Barangay sang Tuble, San Dionisio sang nadakpan sa drug bust operation sa Barangay Devera, Sara kagab-i, Enero 14.
Ginkilala ang kapitan kay Ed Martin Gonzaga Alconga, 39-anyos nga nakuhaan sang 955 grams sang suspected shabu sa operasyon.
Suno kay Police Major Dadje Delima, chief sang Provincial Drug Enforcement Unit (PDEU), bag-o lang deliver ang illegal nga druga nga nakuha sa subject amo nga daku ang volume sini.
Dugang ni Delima, sa Estancia nagahalin ang illegal nga druga nga ginabaligya baligya sang subject. Antes naman makalab-ot sa Estancia, sa Capiz nagaagi ang illegal nga druga nga ginalantaw sa Manila pa nagahalin.
Ginahibalo pa sang kapulisan kon para man sa Dinagyang Festival ang suspected shabu nga na-recover ukon para lang sa distribution sa mga banwa sa 5th District. — Aksyon Maria Kayla Tingzon
