P1.2 million nga grand prize nagahulat sa magadaug sa Kasadyahan sa Kabanwahanan sang Dinagyang Festival

May mabaton nga premyo ang tanan nga mga nagpasakop nga banwa sa Kasadyahan sa Kabanwahanan subong nga tuig.

Ini ang gin-anunsyo sa press conference ni Iloilo Gov. Arthur Defensor, Jr. subong nga adlaw sang na-istoryahan ang parte sa cash prize sang winners sa Kasadyahan.

P1.2-million ang mabaton nga premyo sang grand winner.

P700,000 sa second place kag P500,000 naman sa third-place winner.

Ginpahibalo man ni Human Resource Management and Development Office Head Renee Valencia nga makabaton sang tag-P200,000 nga consolation prize ang iban nga mga participants.

Apang gin-athag ni Gov. Defensor nga magluwas sa premyo target man sang probinsiya nga ma-develop ang tourism industry sa mga kabanwahanan nga nakasentro sa agrikultura kag pagkaon, natural environment, kag culture and heritage.

Palaagyan ang Kasadyahan sa Kabanwahanan agud mapakilala ang turismo sa mga banwa nga naga-highlight sa “fun, foodie, friendly Iloilo.” — Aksyon Khenjo Terco