Taxi driver gin-hold up sang iya pasahero sa Jaro; suspek nadakpan

ILOILO CITY — Nadakpan ang suspek nga nag-hold up sa taxi driver sa Javellana, Jaro, las-3 subong nga hapon.

Ginkilala ang suspek kay alyas Bugs, residente sang San Pedro, Jaro.

Suno kay Police Major Eduardo Siacon Jr., hepe sang Police Station 9, nagkalabilin ang gamit sang suspek sa taxi sang siya ang nagpalagyo.

Sa bag nga nabilin sang suspek sa taxi nakita ang iya ID rason nga gilayon siya nakilala sang mga pulis.

Magluwas sini, nakita man sang opisyal sang Javellana ang pagpalagyo sang suspek.

Ginahibalo pa sang pulis kon pila tanan ang nakuha ni Bugs sa taxi driver.

Note: Ang pictures nga makita amo ang taxi driver nga naglumpat sa iya taxi para makapalagyo. — Aksyon Angel Mae Ciudad