ILOILO — Wasak ang guya sang tiyo sang ginlabu sang iya hinablos sa Barangay Quipot, Janiuay sang Enero 17 sang hapon.
Suno kay Police Captain Marlon Perez, hepe sang Janiuay Municipal Police Station, nagakatulog ang biktima nga si alyas Ar sang ginlabu sang iya hinablos nga si alyas Toto.
Napilasan sa bibig, mata, kag ilong ang biktima.
Base sa imbestigasyon sang police, las-4 sang hapon natabo ang insidente pero las-9 na sa gab-i nadala sa ospital si Ar.
Antes ang insidente, magka-upod pa nga nag-inom ang magtiyo.
Suno sa impormasyon nga natipon sang police, gintistingan sang hinablos kon matuod nga may “anting-anting” ang iya tiyo.
Hinubog ang isa sa ginalantaw nga rason sang police.
Padayon nga ginabulong sa ospital ang biktima.
Apar na ka beses nga nalabuan ang biktima sa nagkalain-lain nga bulan ukon tuig, suno sa police.
Wala na sang plano nga magpasaka sang kaso ang pamilya. — Aksyon Angel Mae Ciudad
