ILOILO — Napatay samtang ginabulong sa ospital ang 10 ka tuig nga bata nga babaye nga pasahero sang tricycle sang nabungguan ang motorsiklo sa Barangay Trapiche, Oton sang Enero 19 sang gab-i.
Suno kay Police Master Sergeant Joseph Minerva, imbestigador sang Oton Municipal Police Station, halin sa Gaisano ang tricycle nga ginamaneho ni alyas Jo sakay ang apat niya ka pasahero nga iya man himata.
Tatlo ang menor-de-edad nga pasahero kag isa nga 42-anyos.
Sa imbestigasyon sang pulis, nag-overtake ang tricycle rason nga nabungguan niya ang kasugata nga motorsiklo nga ginamaneho ni alyas Arjie.
Sa subong, padayon pa nga ginabulong sa ospital ang duha ka driver, ang isa ka menor-de-edad nga gin-refer sa ospital sa siyudad, kag duha ang outpatient.
Wala pa ka istoryahanay ang magtimbang nga kampo, suno sa pulis. — Aksyon Angel Mae Ciudad
