ILOILO — Wala naga-untat ang Iloilo Provincial Drug Enforcement Unit (PDEU) sa pag-operate batok sa illegal drugs bisan nagasinakuay ang mga Ilonggos sa highlight sang Dinagyang Festival.
Kahapon, na-recover ang 350 grams sang suspected shabu nga nagabalor sang P2.3 million sa Barangay Madarag, Lambunao.
Subject si alyas Kobo, 42-anyos nga mangunguma nga residente sang amo man nga lugar.
Suno sa PDEU, lima sila ka bulan nga naghimo sang intelligence monitoring kag validation pagkatapos sang impormasyon nga ginpalab-ot sang concerned citizen sa pulis.
Ginpabutyag ni Brigadier General Josefino Ligan, Director sang Police Regional Office 6, ang madinalag-on nga operasyon nagapakita sang dedikasyon sang kapulisan nga maprotektahan ang komunidad batok sa epekto sang illegal nga druga.
“This successful operation reflects the unwavering commitment of PRO6 to protect our communities from the harmful effects of illegal drugs. We will continue to pursue high-value targets and dismantle drug networks through intelligence-driven operations and strong collaboration with our local partners and the community,” suno kay Ligan.
