Na-aresto sa Mandurriao ang duha ka mga pangayaw halin sa Manila nga nagpangawat sang cellphone kag kwarta sa tunga sang selebrasyon sang Dinagyang Festival.
Sa imbestigasyon sang Mandurriao police, natabo ang insidente sa G-Park sa Brgy. San Rafael, Mandurriao sang natukiban sang 21-anyos nga estudyante nga wala na ang iya cellphone nga nagabalor sang malapit P6,000 kag coin purse nga may cash kag driver’s license.
Gilayon nga naghimo sang follow up operation ang Iloilo City Police Station 10 sa Mandurriao gamit ang tracking application sang ginkawat nga cellphone.
Na-trace ang cellphone kag nadakpan sa convenience store ang duha ka mga suspek nga lunsay residente sang Malate, Manila.
Na-recover ang ginkawat nga cellphone kag kahita.
Base sa records halin sa City Investigation and Management Unit (CARMU), may una nga kaso si alyas Bong sa paglapas sa Republic Act 7610, Special Protection of Children Against Abuse, Exploitation and Discrimination Act, samtang si alyas Ryan ang may kaso man sang pagpangawat. — Source: Iloilo City Police Office
