7 ka empleyado sang DILG office sa Santa Barbara na-rescue sang na-trap sa elevator

ILOILO— Ginrespondehan sang Bureau of Fire Protection – Special Rescue Force (BFP-SRF) ang impormasyon nga may na-trap sa elevator sang DILG Regional Office sa Sta Barbara pasadlo las-7 kagab-i, Enero 29.

Suno kay Senior Superintendent Bartolome Beliran sang BFP Iloilo Province, pito ka empleyado nga ginalakipan sang apat ka babaye kag tatlo ka lalaki ang na-trap sa elevator pag-abot sa ground floor.

Nag-malfunction kag indi na mabuksan ang elevator, suno kay Beliran.

Nagpangayo sang bulig ang isa sa mga na-trap sa ila man nga katrabaho nga amo ang nagpahibalo sa BFP- Sta Barbara.

Ginrespondehan man sang SRF ang insidente sa pagkabalaka nga nagakinahanglan sang dugang nga bulig.

Antes pa man nag-abot ang SRF, gin-ideyahan sang responders sang Sta Barbara kag BFP nga masalbar ang mga na-trap.

Ginbuksan ang access sa 2nd floor kag ginpaagi sa emergency exit ang mga tawo gani nakaguwa. — Aksyon Farrah Mae Morano