[Warning: mention of rape]
ILOILO — Nag-surrender kag nag-ako ang suspek sa paghimulos kag pagpatay sa iya paryente sa Barangay Owak, Calinog sang Pebrero 4.
Suno kay Police Major Myles Dieron, hepe sang Calinog Municipal Police Station, kaina sang aga nag-surrender ang suspek nga si alyas Dodoy.
Sa pagpaathag ni Dieron ang ospital ang nagpahibalo sa ila nga may 18-anyos nga dalaga nga gindala tungod ginpahayag naghikog.
Apang nagduda ang pulis sang nakita nila ang bangkay ni alyas Ann nga posible may foul play.
Nag-conduct sang maid-id nga imbestigasyon ang pulis kag natukiban base sa medical result nga ginhimuslan ang dalaga antes ginpatay.
Natabo ang paghimulos kag pagpatay kay Ann sa sulod sang iya kwarto sang Pebrero 4 sang aga.
Lolo lang ni Ann nga may deperensiya sa mata ang yara sa ila balay sang natabo ang krimen.
Base sa initial nga imbestigasyon, ginkuga kag ginlaslas ang pulso sang biktima kag ginbayaan sa iya kwarto. — Aksyon Angel Mae Ciudad
