ILOILO — Napilasan sa tuo nga abaga kag butkon ang pintor sang nabun-an sang caretaker sang balay nga iya gina-obrahan sa Aganan, Pavia las-8:15 kagab-i, Pebrero 5.
Suno kay Police Lieutenant Gary Tayongtong, Deputy Chief of Police sang Pavia Municipal Police Station, nagpamilit ang biktima nga si alyas Philip, 30-anyos nga residente sang Tabuc Suba, Jaro nga matulog sa nasambit nga pero wala nagpasugot ang suspect nga si alyas Roger, 50-anyos nga taga-Puerto Princesa, Palawan.
Ini tungod may mga gamit na sa sulod sang balay ang tag-iya.
Pareho nga naka-inom ang duha amo nga naglab-ot sa pukutay ang ila pagbaisay.
Sa alegasyon naman sang suspect, ginsaruso siya sang biktima amo nga gingabot ang taklos nga balisong.
Sa tungan sang pagpukutay, nabun-an ni Roger si Philip.
Nag-execute sang affidavit of non-interest to file a case ang biktima gani gin-release na ang suspetsado. — Aksyon Maria Kayla Tingzon
