Dead-on-arrival sa ospital ang soldado nga nagarangko sang Private First Class sang gintiro sang iya nga senior sa sulod sang ila barracks sa 3rd Infantry “Spearhead” Division (3ID), Philippine Army, sa Camp Gen. Macario Peralta Jr., Jamindan, Capiz, sa las-11:30 kagab-i.
Suno kay Police Captain Jaypee Silvestre, hepe sang Jamindan Police Station, magka-upod nga nag-inom ang biktima kag ang suspek sa mess hall.
Mga las-8 sang gab-i naghalin sa mess hall ang suspek nga nagarangko man sang Private First Class kag naga-edad sang 31-anyos kag residente sang Lambunao, Iloilo
Nakita sang biktima ang suspek nga naga-ikis-ikis ang panglakat rason nga iya ginkadtuan kag gindul-ong sa iya barracks.
Makaligad ang pila ka minutos, nakabati sang asud-asod nga lupok ang mga kaupdanan nila nga soldado nga yara man sa ila barracks.
May patal nga pilas sa ulo ang biktima. — Aksyon Angel Mae Ciudad
