ILOILO CITY—Ginlunsar ni Ilonggo former Senate President Franklin Drilon ang iya autobiography nga ‘Being Frank: A Memoir.’
Ini nga libro nagasaysay sang 36 ka tuig nga career ni Drilon sa public service kag pulitika.
Nalakip man diri ang first-person nga ihibalo ni Drilon sa dalagkuan nga hitabo sa pulitika, kag mga landmark laws nga nangin kabahin sang kasaysayan sang pungsod.
Natalakay man sa libro ang panan-aw kag nangin tindog ni Drilon sa impeachment cases nanday former President Joseph Ejercito Estrada, kag former Chief Justice Renato Corona—kon diin nangin senator judge sa impeachment proceedings si Drilon.
Gina-angut ini sa mga impeachment cases sang presidente kag bise presidente sang pungsod subong.
Gina-dedicate ni Drilon ang amo nga libro sa mga pamatan-on nga nagatudlo sang pagpanindugan, pagsunod sa kasuguan, kag pagdumdom sang mga nakaligad na. — Aksyon Marvin Malificiar
