41 napilasan sang nagtakilid ang CBL sa Maribong, Lambunao; preno sang bus naglamsot

ILOILO— 41 tanan ang nakaagum sang minor injuries sang nagtakilid ang Calinog Bus Line (CBL) sa Brgy. Maribong, Lambunao las-3:56 kaina sang hapon.

Suno kay Lt Gabriel Manguera, hepe sang Lambunao Municipal Police Station, halin sa Iloilo City ang CBL nga padulong sa Calinog kag may 38 ka pasahero.

Sa imbestigasyon sang pulis, naglamsot ang preno sang CBL gani ginwarik sang 45-anyos nga driver pa-tuo ang bus kag natumba.

Tungod sini, nasagaid sang bus ang tricycle kag motorsiklo nga nagapondo sa higad sag dalan. Napilasan ang driver sang tricycle kag motorsiklo.

May mga bagras ma kag minor injuries ang sakay kag driver sang bus, suno sa pulis.

Gin-hold sang pulis ang driver sang bus. — Aksyon Farrah Mae Morano