ILOILO — Naglawig sang anum ka bulan ang monitoring sang Iloilo Provincial Drug Enforcement Unit antes nadakpan ang tatlo sa drug bust operation sa Barangay Licu-an, Dingle, las-3:05 subong nga hapon.
Ang mga nadakpan amo sanday alyas Ed, 51-anyos nga anay pulis; alyas Kor, 55-anyos nga number 1 Barangay Kagawad; kag alyas Jr, 28-anyos, lunsay residente sang Barangay Licu-an, Dingle.
Nakuha sa tatlo ang pito ka sachets sang suspected shabu nga ginalakipan sang dalagku nga plastics.
Sa kabug-usan, nagabug-at sang 310 grams ang suspected illegal drugs nga nagabalor sang P2,108,000.00 ang nakuha sa mga nadakpan.
Suno kay Police Major Dadje Delima, Chief sang PDEU, padayon pa ang ila validation sa ginahalinan sang illegal drugs sa probinsiya. — Aksyon Angel Mae Ciudad
