ILOILO— Duha na ka tuig nga na-monitor ang illegal drug activities sang Punong Barangay nga nadakpan sa drug buy bust operation sa Brgy. Bondulan, San Dionisio.
Pagkatapos sang ma-id-id nga operasyon nadakpan ang subject nga si Redan Manzano, 52-anyos nga Punong Barangay sang amo man nga lugar.
Suno kay Captain Maria Rosela Buenvenida, hepe sang San Dionisio Municipal Police Station, subong lang gintutokan ang aktibidad sang subject gani nadakpan kag nakuhaan sang P1.5 million nga balor sang suspected shabu nga nagabug-at sang 222 grams.
Sa impormasyon, sa Estancia nagakuha sang supply sang illegal drugs ang subject kag ginabaligya sa banwa. — Aksyon Farrah Mae Morano
