ILOILO CITY — Patay ang trisikad driver sang ginbuno sang iya abyan sa Barangay Quintin Salas, Jaro mga la-1:45 kaina sang kaagahon.
Suno kay Police Captain Mavin Laraño, officer-in-charge sang Iloilo City Police Station 3 sa Jaro, nakatapos inom ang biktima nga si alyas Romulo, 52-anyos kag suspect nga si alyas Carl, 36-anyos nga delivery rider, kag papuli na sang natabu ang insidente.
Samtang nagalakat papuli, nagbaisay ang duha tungod sa kahulugbon.
Ginsumbag pa sang suspect ang biktima antes ginbuno. Nakaagum sang pilas sa tuo nga ilok ang trisikad driver.
Gindala sa ospital ang biktima pero gindeklarar nga dead-on-arrival.
Nadakpan naman ang suspect sa ila balay.
Pasakaan sang kaso nga homicide ang suspetsado. — Aksyon Maria Kayla Tingzon
