Sari-sari store owner dakup sa drug buy bust operation sa Bolilao, Mandurriao

ILOILO CITY — Na-recover sa sari-sari store vendor ang malapit tunga sa million nga balor sang suspected shabu sang gin-subject sa drug bust operation sa Brgy. Bolilao, Mandurriao kagab-i.

Suno kay Police Captain Roque Gimeo III, chief sang City Drug Enforcement Unit (CDEU), tokhang surrenderer ang subject nga si alyas Danny, 38-anyos pero sang nakatapos sang iya rehabilitation, liwat nga nagpositibo sa illegal nga druga.

Ginpalab-ot naman ini sang mga barangay officials kag ila gin-aktuhan.

Sa sulod sang tatlo ka semana nga monitoring, madamo man sang boarders nga nagpalab-ot sang kahangawa tungod madamo sang pangayaw nga nagaguwa-sulod sa ila lugar sa pagbakal sang illegal nga druga, suno kay Gimeno.

Nakuha sa subject ang lima ka sachets kag isa ka daku nga putos sang suspected shabu nga ginabanta nagabug-at sang 70 gramos. — Aksyon Maria Kayla Tingzon