ILOILO CITY—Tapos na ang mga adlaw nga ginbansagan ang Iloilo nga “most shabulized city” suno kay Mayor Raisa Treñas.
Ini ang ginpabutyag sang alkalde makaligad ang madinalag-on nga intelligence kag buy bust operations sang kapulisan nga nagresulta sa pagka-aresto sang 71 ka drug personalities sang Pebrero.
Sa amo nga numero, 23 ang high value individuals (HVI).
‘SIGURUHON MAGDAUG SA KASO’
Ginmanduan ni Treñas si Iloilo City Police Office OIC, PCOL Wilbert Parilla nga siguruhon nga magdulot ang kaso nga ipasaka sa mga drug personalities.
Luyag ni Treñas sang “accountability kag hustisya” agud indi pagsuliton sang mga drug personalities ang ila illegal drug activities.
Agosto 2016 sang ginbansagan ni sadtu President Rodrigo Duterte nga “most shabulized city” ang siyudad tungod sang madata nga illegal drug activities. — Aksyon Marvin Malificiar
