ILOILO– Nagapabilin nga at-large ang suspect nga nakabuno sa 33-anyos kag 17-anyos nga nagasaot sa baylehan sa Barangay Gama Pequeño, Calinog, Biyernes sang gab-i.

Suno kay Police Major Myles Dieron, hepe sang Calinog Municipal Police Station, tungod yara sa impluwensiya sang makahulubog nga ilimnon, nag-initay ang grupo sang suspect nga si alyas Boy, 18-anyos kag sang mga biktima nga kanday alyas Nono, kag solterito nga si Kaloy.

Tungod sini, nabun-an ni Boy sanday Nono kag Kaloy. Madasig naman nga nagdalagan palagyo ang mga kaupdanan sang tatlo, lakip si Boy.

Nakaguwa na sa ospital kanday Kaloy kag Nono nga nakaagum sang tag-isa ka pilas sang pagkabuno sa kamot. — Aksyon Maria Kayla Tingzon