Gun ban sa Iloilo City kanselahon tungod gin-isol ang ASEAN meetings

Kanselahon ang gun ban sa Iloilo City nga natalana kuntani sa Marso 16 tubtob 30 tungod na-isol ang Association of Southeast Asian Nations (ASEAN) Meetings.

Suno kay Police Regional Office 6 Director, PBGEN Josefino Ligan, i-coordinate nila sa national headquarters ang pagdula sang suspension sang permit to carry firearm outside residence (PTCFOR) sa Iloilo City.

Ginpabutyag ni Ligan nga magapabilin ang gun ban sa Boracay Island sa diin nakasentro ang ASEAN Meetings subong nga bulan.

May naka-schedule kuntani nga ASEAN meetings sa siyudad subong nga Marso pero may pagbag-o sa schedule sang National Organizing Committee. — Aksyon Maria Kayla Tingzon