ILOILO — Napatay sang natupok sang kalayo ang pahinante sang wing van nga nasunog sa Barangay Inagdangan Centro, Zarraga las-5:48 kaina sang aga.
Suno kay Police Captain Beverly Cataluña, officer-in-charge sang Zarraga Municipal Police Station, nagpahunay-hunay tubtob natulugan sa sulod sang wing van ang pahinante nga si alyas Miko, 19-anyos nga taga-Mina.
Wala na nakaguwa ang pahinante sang nasunog ang wing van.
May mga kaupdanan pa siya nga nagpahunay-hunay sa likod pero nakahingagaw sila guwa.
Sang gindeklarar nga fire out ang sunog amo lang kag nahibaluan nga may tawo sa front seat.
Naka-park lang sa lugar ang wing van kag wala nagaandar ang makina sang natabu ang sunog.
Yara sa gym sang barangay ang mga kaupdanan sang pahinante nga napatay tungod nagapanghimos sang sound system nga ikarga sa wing van.
Ginpadulungan man sang SOCO ang lugar agud maproseso ang bangkay.
Gina-imbestigaran na sang mga bombero ang sunog. — Aksyon Maria Kayla Tingzon
