ILOILO CITY — Gina-target sang siyudad nga malakip sa fuel subsidy program ang mga taxi drivers nga apekatdo man sa pagmahal sang presyo sang gatong.
Ini ang ginpabutyag ni Mayor Raisa Treñas sa meeting upod ang Association of Taxi Operators in Panay (ATOP) makaligad ang ila nga panawagan nga ilakip sa makabaton sang ayuda ang mga taxi drivers.
Suno kay Treñas, ipa-review niya ang una ginplastar nga mga guidelines sa fuel subsidy program tungod kalabanan sa mga taxi drivers ang indi residente sang siyudad pero sa siyudad ang ila nga prangkisa.
Base sa una na ginplastar nga guidelines sang alkalde, makabaton lang sang fuel subsidy ang mga drivers nga residente sang siyudad.
Ginpasalig sang alkalde nga mabuligan ang transport sector sa nagapadayon nga konflikto sa Middle East nga nagresulta sa pagmahal sang gatong. — Aksyon Marvin Malificiar
