ILOILO – Naglab-ot sa 135 grams sang illegal drugs ang na-recover sang Provincial Drug Enforcement Unit (PDEU) sa drug bust operation sa Barangay Balabag, Pavia kagab-i, Marso 20.
Ginkilala ang mga nadakpan nga kanday alyas Denmark-36-anyos High Value Individual (HVI), residente sang nasambit nga barangay, alyas Justine, 25-anyos kag alyas Melvin sang Barangay Bolilao, Dumangas.
Na-recover sa mga nadakpan ang pito ka sachets sang illegal drugs nga nagabalor sang P918,000.00.
Ginpangunahan ni Police Major Dadjie Delima ang operation ka-upod ang Pavia police. — Aksyon Angel Mae Ciudad
