ILOILO — Napilasan sa wala nga kilid ang 45-anyos nga construction worker sang natiruhan sang iya kaupod inom sa Barangay Tatoy, Miagao kagab-i, Marso 26.
Suno kay Police Major Richard Lao, hepe sang Miagao Police Station, naga-inom inom ang biktima nga si alyas Tiwi, upod ang suspek nga si alyas Caloy kag ila mga abyan kag pamilya sa tiyangge.
Samtang, naga-istoryahanay sila may natabo nga indi pag-intiedihanay sa tunga nanday Tiwi kag Caloy.
Ginsumbag sang suspek ang biktima kag gilayon nga gingabot ang iya pusil.
Nag-agaway ang duha tubtob nga na-igo sa wala nga kilid ang biktima.
Na-recover sang pulis ang pusil nga 9mm pistol kag bala nga gingamit sang suspek.
Gin-custody sa Miagao Police Station ang suspek. — Aksyon Angel Mae Ciudad
