ILOILO— Dead-on-arrival sa ospital ang 40-anyos sang ginbuno sa Barangay Cabolo-an Sur, Oton, las-2:45 kaina sang aga.

Suno kay Police Lieutenant Colonel Arnel Solis, hepe sang Oton Municipal Police Station, una nga nagbaisay ang biktima nga si alyas Jerry kag ang suspek nga si alyas Jonel.

Ginsaway sila tubtob nga nabun-an pa gid sang suspek kanday alyas Art kag Jomarie nga upod sang napatay nga si Jerry.

Base sa imbestigasyon sang pulis, naka-inom ang mga biktima kag ang suspek antes natabo ang pagbinaisay.

Sa subong ginahibalo pa sang pulis kon ano gid ang rason sang pagbaisay.

Nadakpan naman gilayon si Jonel nga naka-custody na sa Oton police station. — Aksyon Angel Mae Ciudad