ILOILO— Na-recover ang 560 grams sang suspected shabu nga nagabalor sang P3.8 million sa drug buy bust operation sa Brgy. Poblacion Zone 1, Estancia kaina sang hapon.
Nadakpan kanday Kurt, 20- anyos sang Brgy Botongon, Estancia; Jade, 35-anyos sang Zone 1, Estancia; Lenard, 21-anyos sang Brgy Gogo, Estancia; Rafael, 42-anyos sang Zone 1, Estancia; kag Charlito, 19-anyos sang Brgy Tabu-an, Estancia.
Sa operasyon sang Provincial Drug Enforcement Unit, na-recover ang lima ka dalagku nga knot tied sachets sang suspected shabu, pulo ka regular size sang suspected shabu kag mga non-drug items.
Suno kay PDEU head Major Dadje Delima, ang amay ni alyas Kurt ang ila source sang illegal nga druga.
Sila man ang naga-supply sang illegal nga druga sa Quinto Distrito.
Ang mga nadakpan sang PDEU upod sang mga drug personalities nga nadakpan sang Estancia pulis sa drug buy bust operation kaina sang kaagahon sa Brgy Tacbuyan, Estancia.
Nadakpan kanday alyas Macmac kag iya nga live-in partner nga si alyas Aning, 30-anyos sang Barangay Botongon, Estancia, Iloilo. — Aksyon Farrah Mae Morano
