Yara na sa Leganes police ang 19-anyos nga si alyas Biboy, ang primary suspect sa pagpatay sa 29-anyos nga lalaki nga nasapwan kahapon.
Suno kay Police Captain General Enrique Robles, Officer-in-Charge sang Leganes MPS, ala-1 kaina sang kaagahon nadakpan ang suspek nga si alyas Biboy.
Samtang ang duha pa niya ka upod nga 14-anyos kag 15-anyos ang wala pa makit-an.
Ginkadtuan sa ila balay sa Leganes ang 15-anyos apang wala nagakooperar sang maayo ang amay, suno sa pulis.
Ang 14-anyos nga taga-Jaro wala pa man nabal-an ang iya location.
May testigo suno sa police nga nagtudlo kay Biboy nga nagkastigo sa biktima nga si Jhomel Alejandro sang Democracia, Jaro.
Base sa CCTV footage, may lima ka nakita nga nagsunod sa biktima, pero tatlo lang ang nagsapote suno sa police.
Gin-tripingan sang mga suspek ang biktima base sa imbestigasyon sang pulis.
Kaso nga murder ang ipasaka kay alyas Biboy subong nga adlaw.
Note: Ang (General) first name sang OIC sang Leganes MPS nga si Captain Robles. — Aksyon Angel Mae Ciudad
