ILOILO — Arestado 59-anyos nga taga- Roxas City, Capiz sa drug bust operation sa Barangay Nagsulang, Lemery kaina sang aga.
Nakuha sa subject nga si alyas Bruno ang 250 grams nga illegal drugs nga nagabalor sang P1, 700,000.
Gin-conduct sang Station Drug Enforcement Team (SDET) sang Lemery Police Station ang operation makaligad ang duha ka semana nga surveillance sa subject.
Halin sa mga concerned citizens ang impormasyon nga gin-validate sang kapulisan.
Sa Roxas City nagakuha sang supply sang illegal drugs si Bruno kag gina-distribute sa 5th district sang Iloilo. — Aksyon Angel Mae Ciudad
