ILOILO CITY — Wala nagakooperar sa pulis ang mag-live in partner nga nakuhaan sang P3 million nga balor sang suspected shabu sa Tanza Esperanza, City Proper kagab-i kon diin nagahalin ang supply sang illegal nga druga.
Subjects sa operasyon ang mag-live in partner nga Rex, 36-anyos kag Judy, 28-anyos
Suno kay Police Major Marvin Villanueva, deputy chief sang Regional Police Drug Enforcement Unit (RPDEU) 6, gin-monitor nila ang subjects tungod nagpalab-ot sang impormasyon ang mga pumuluyo nga madamo sang pangayaw nga nagakadto sa lugar sang subjects.
Sa pag-check sang mga pulis, nadakpan na si Rex sa drug bust sa Miagao sang 2014 kag nakaguwa sang 2016.
Na-recover ang 22 ka sachets sang suspected shabu nga ginabanta nagabug-at 465 grams. — Aksyon Maria Kayla Tingzon
