ILOILO — Lunsay minor nga pilas sa lawas ang naagum sang 15 ka hikers sang na-aksidente ang ginasakyan nga depasahero nga jeep sa Barangay Tigmalapad, Miagao.
Suno kay Police Major Richard Lao, hepe sang Miagao Municipal Police Station, halin sa Iloilo City ang jeep nga pakadto sa Barangay Ongyod, Miagao sakay ang 36 ka mga pasahero.
Apang pag-abot sa takason nga karsada sang Tigmalapad na-overheat ang jeep rason nga nag-isol tubtob nga nakabunggo sa railings.
Temporaryo nga gin-custody ang drivers samtang ginahulat ang ila settlement. — Aksyon Angel Mae Ciudad
