ILOILO — Nagakalayo pa sang masapwan sang residente ang bangkay sa bakante nga lote sa Brgy. Ungka I, Pavia//
Suno sa residente nga si Allan, ma-jogging lang tani ang iya magulang ang malabayan niya ang nagakalayo nga mga basura.
Sa kahadlok nga maglapta ang kalayo kag magluntad ang grass fire, gintawag siya sang utod kag ginbasyahan nila sang tubig.
Pero natalupangdan ni Allan nga tawo ang nagakasunod gani nagtawag siya sa ila barangay kagawad kag gintawgan man sang pulis. Ginkumpirmar sang Pavia police nga bangkay ang nasunog kag indi na makilala tungod batok na,
Nakita naman sa pihak sang pader ang national ID nga nakapangalan kay Frank Rois Barbasa nga taga-Roxas City, Capiz kag cellphone kag powerbank. Pero indi pa madeterminar sang kapulisan kon si Barbasa gid man ang bangkay.
Ipaidalum sa DNA test ang bangkay. Nagkadto naman sa Pavia Police Station ang mga himata ni Barbasa agud makuhaan sang swab sample para sa DNA testing.
Sa subong, padayon nga gina-imbestigaran sang kapulisan ang matuod nga identity sang bangkay kag kon ano ang matuod nga natabo sa iya antes siya ginsunog. — Aksyon Angel Mae Ciudad/Maria Kayla Tingzon
