ILOILO CITY — Yara sa New Bilibid Prison sa Manila ang gina-contact sang subjects nga nadakpan sa drug bust operation sa Barangay Mansaya, Lapuz kagab-i agud makuha ang supply.
Suno kay Police Captain Roque Gimeno III, chief sang City Drug Enforcement Unit, ginapa-deliver lang ang illegal nga druga sang ginakuhaan sang subjects nga kanday alyas Natoy, 40-anyos kag alyas Palin, 42-anyos.
Nakumpiskar sa operasyon ang anum ka sachets sang suspected shabu nga nagabug-at sang 60 gramos.
Sa duha ka bulan nga monitoring sa subjects nahibaluan nga nagalab-ot man sila sa pagbaligya sang illegal nga druga sa City Proper. — Aksyon Maria Kayla Tingzon
