ILOILO— Mahimo na nga magamit ang Iloilo Cooling Hub sa General Luna St, antes ang taytay sa Jalandoni, City Proper bwas.
Suno kay Engr. Neil Ravena, head sang General Services Office, mangin bukas ini halin las—10 sa aga tubtob las-4 sa hapon.
Makapabugnaw kag makapahuway ang mga commuters sang 30 minutos tubtob isa ka oras sa sulod sang Iloilo Cooling Hub tungod air-conditioned.
May mabantay nga personnel halin sa City Health Office (CHO) kag City Social Welfare and Development Office (CSWDO) para mag-check sang health conditions sang mga pumuluyo ilabe na sang mga tigulang kag vulnerable sector.
Magluwas sa Iloilo Cooling Hub sa General Luna, may ginpahamtang man sa Diversion Road nga solar powered kag human sa eco boards ang flooring nga halin sa plastic wastes.
Ang Iloilo Cooling Hub nga una gintawag nga cooling stations amo ang short term solution sang City Government agud mabatuan ilabe na sang mga commuters ang tuman ka init nga panahon. — Aksyon Farrah Mae Morano
