ILOILO CITY—Gin-appoint nga Undersecretary sang Department of the Interior and Local Government (DILG) si former Mayor Jed Patrick Mabilog.
Ini ang ginkumpirmar ni Councilor Sheen Marie Mabilog.
Kaina sang aga gin-appoint si Mabilog kag base sa inisyal nga impormasyon hiwaton sa Biyernes ang oathtaking sa siyudad.
Una nga gindesignar si Mabilog nga special adviser to [former] House Speaker Martin Romualdez sang Mayo 2025. Gin-anunsyo ini ni Mabilog sang Mayo 10 sang nagligad nga tuig.
Kon madumduman, ginhatagan ni President Ferdinand Marcos, Jr., sang executive clemency sang Enero 2025 si Mabilog.
Ang executive clemency ang nagadula sang “perpetual ban” para sa iya nga makapangalagad sa public office.
Magaserbe nga assistant ni DILG Secretary Jonvic Remulla si Mabilog sa pagbalay sang nga polisa, enforcing laws, kag sa pag-supervise sang mga local government units (LGUs) agud masiguro nga ginapatuman ang mga nasyonal nga kasuguan sa local level. — Aksyon Marvin Malificiar
