Sangguniang Bayan sang Dingle nagpasar sang ordinansa nga naga-regulate sa pagpaligo sang mga menor-de-edad sa Jalaur Dam

ILOILO — Nagpasar ang Sangguniang Bayan sang Dingle sang Ordinance No. 2026-005 ukon “An Ordinance Regulating Swimming and Bathing of Minors within two hundred meters upstream and five hundred meters downstream from Jalaur River.”

Suno kay SB member Jimmy Quicoy, madamo na sang mga menor-de-edad nga nalumos sa amo nga suba.

Ini ang rason nga ginduso niya ang ordinansa nga naga-regulate sa pagpaligo sang mga minors sa Jalaur River.

Una nga may obligasyon nga mag-monitor suno kay Quicoy ang mga barangay officials.

May ginbutang sila nga tarpaulin nga may contact number para sa madasig nga responde kon may mga menor-de-edad nga nagapaligo kag nagakinahanglan sang bulig. — Aksyon Angel Mae Ciudad