Taho vendor nga taga-Janiuay nakuhaan sang malapit tunga sa million nga balor sang suspected shabu sa Calumpang, Molo

ILOILO CITY — Nakakita sang koneksyon kag tulod sang kapigaduhon ang rason sang taho vendor nga taga-Janiuay nga nagbaligya siya sang illegal nga druga.

Ini ang ginpabutyag sa mga pulis sang subject sa drug bust operation sa Barangay Calumpang, Molo nga si alyas Mar, 38-anyos.

Suno kay Police Major Marvin Villanueva, deputy chief sang Regional Police Drug Enforcement Unit 6 (RPDEU6), gin-ako sang subject nga may nagasugo sa iya sa pagbaligya kag distribute sang illegal nga druga sa Iloilo City.

Nakuha na sang mga pulis ang ngalan sang nagasugo sa subject kag gina-validate ang involvement.

Naglab-ot sa 70 gramos ang kabug-aton sang lima ka sachets sang suspected shabu nga nakumpiskar sa operasyon. — Aksyon Maria Kayla Tingzon