ILOILO— Duha ang napilasan sang nagginamo sa fiesta sa Sitio Kalagutay Sur, Brgy. Magdungao, Passi City kahapon, May 18.
Suno kay Lieutenant Colonel German Magbanua, hepe sang Passi City Police Station, upod nga naga-inom sa compound sang balay sang ila pamilya ang mga biktima nga kanday alyas Jef, 43-anyos kag alyas Rick, 57-anyos, kag ang suspek nga si alyas Jason, 33-anyos.
Sa imbestigasyon, nagbaisay kag nagginamo si Jef kag Jason tungod pareho nga naka-inum. Nahandosan ni Jason si Jef sa likod gani nagtambag si Rick pero napilasan man sa iya tuo nga butkon.
Gindala sa ospital ang duha ka mga biktima. Nakaguwa na sa ospital si Rick samtang padayon nga ginabulong sa ospital si Jess.
Nadakpan naman ang suspek kag presu na sa Passi City Police Station. — Aksyon Farrah Mae Morano
