ILOILO CITY — Naubos sunog ang tatlo ka mga balay kag tatlo ka mga establisemento sa Barangay Balantang, Jaro las-5:36 kaina sang aga.

Suno kay FO1 Joffrey Alsado, imbestigador sang Iloilo City Fire Station, sa balay sang pamilya Solmayor nagsugod ang sunog.

Naglaton pa ini sa duha ka mga balay sa diin may naangut nga barber shop kag ice cream shop sa kada istruktura.

Gina-imbestigaran pa kon ano ang ginhalinan sang kalayo.

Wala sang nasalbar ang mga nasunugan kag nasunog pa ang pito ka mga kuring nga ginasagod sang pamilya Nastor, nga amo man ang tag-iya sang barber shop.

Naglab-ot sa P273,000 ang ginbilin nga kahalitan sang sunog.

Gindeklarar nga fire out las-6:25 sang aga. — Aksyon Maria Kayla Tingzon