Nakabati pa sang lagpok ang mga residente sa Barangay Barrio, Calinog las-10 kagab-i, kag sa pagdumdom nga aksidente nagguwa sila pero wala sang nakita sa dalan.

Suno kay Police Captain Melvin Mercado, officer-in-charge sang Calinog Municipal Police Station, las-7 subong nga aga na-report sa ila nga nasapwan ang driver sang motorsiklo nga si alyas Elbert nga taga-Batangas nga nahulog sa talamnan.

Ginabanta 2 ka metros ang kadalumon sang talamnan halin sa karsada.

Head injury ang gintunaan sang kamatayon sang driver nga wala sang suksok nga helmet.

Wala sang nakakilala sang driver gani padayon ang pag-contact sang mga pulis sa mga numero nga nakabutang sa iya ID kag dokumento nga dala. — Aksyon Maria Kayla Tingzon