ILOILO — Yara subong sa punerarya ang bagul sang tawo nga nakutkutan sa suba sa Brgy. Agutayan, Sta Barbara kaina sang aga.
Suno kay Police Captain Raffy Señerez, hepe sang Sta Barbara Municipal Police Station, gina-imbestigaran pa nila kon diin naghalin ang bagul.
Bagul lang kag wala na sang iban nga tul-an nga nakit-an sa suba sang nagapang-ayag sang balas.
Base sa pagpangusisa sang pulis, wala man sang may gin-report nga missing person sa lugar.
Wala sang kapasidad ang pulis sa pagdeterminar kon madugay na ang bagul nga subong lang nakit-an.
Puwede mag-coordinate sa pulis ang mga nadulaan sang himata agud makabulig sa imbestigasyon.
I-refer man sang pulis sa LGU ang bagul agud madeterminar kon sin-o ang mapalubong. — Aksyon Farrah Mae Morano
