Driver sang motorsiklo patay sang naglapaw sa karsada kag nakabunggo sa stockpile sa Maasin; motorsiklo nagtabog kag naigo ang isa pa ka motorsiklo

ILOILO— Patay ang driver sang motorsiklo sang naglapaw sa linya kag nakabunggo sa stock pile sa kilid sang karsada sa Brgy. Magsaysay, Maasin kahapon sang hapon, Hunyo 25.

Suno kay Police Lieutenant Cyrone Empedrad, OIC sang Maasin Municipal Police Station, pakadto sa banwa ang motorsiklo nga ginamaneho ni alyas Jaspher, 22-anyos.

Sa imbestigasyon, nag-overtake si Jaspher sa ginasundan nga duha pa ka motorsiklo pero wala na-control ang manibela, naglapaw kag nagdiretso siya sa stockpile sa kilid sang karsada.

Nagtabog ang motorsiklo ni Jaspher kag nag-igo sa motorsiklo nga ginamaneho ni alyas Kobe, 23-anyos nga yara sa opposite direction.

Gindala sa ospital si Jaspher pero gindeklarar nga dead-on-arrival tungod sa pilas sa ulo.

May mga bagras naman si Kobe sa nagkalain-lain nga parte sang lawas. — Aksyon Farrah Mae Morano