ILOILO — Nakuhaan sang malapit P100,000 nga balor sang suspected shabu ang street level individual sa drug bust operation sa Barangay Tanghawan, Dingle kahapon.
Subject sa operasyon si alyas Ensoy, 31-anyos nga wala sang trabaho kag residente sang nasambit nga barangay.
Sa balor nga P3,600, nabaklan ang subject sang isa ka sachet sang suspected shabu.
Dugang pa nga nakuha sa subject ang anum ka sachets sang suspected shabu nga nagabug-at 14 grams.
Preso sa Dingle Municipal Police Station ang subject kag pasakaan sang kaso nga paglapas sa RA 9165 ukon Dangerous Drugs Act of 2002. — Aksyon Maria Kayla Tingzon
