PASSI CITY — Patay na ang mag-asawa sang nakit-an sa guwa sang ila balay sa Barangay Salngan, Passi City las-7 kaina sang aga.

Naga-edad 82-anyos ang bana samtang 62-anyos naman ang asawa.

Base sa report, may concerned citizen nga nakakita sa mag-asawa nga patay na sa guwa sang ila balay kag nagpahibalo sa kapitan.

May na-recover nga mga basiyo sang caliber 45 kon sa diin nakita ang bangkay sang mag-asawa.

Ginpadulungan sang kapulisan ang lugar kag yara naman ang SOCO nga nagaproseso sang crime scene.