P3.9 Million nga balor sang illegal drugs na-recover sa 3 ka separado nga operasyon sa Iloilo subong nga adlaw— PRO 6

ILOILO— Wala untat ang operasyon sang kapulisan kontra illegal nga druga sa Iloilo.

Subong nga adlaw, P3.9 million nga balor sang suspected shabu nga nagabug-at sang 585 grams ang na-recover sa separado nga operasyon sang nagkalain-lain nga unit sa Iloilo.

Tatlo ka High Value Individuals (HVIs) kag tatlo ka Street-Level Individuals (SLIs) ang na-aresto sang kapulisan.

Sa Barangay Balabago, Jaro, na-aresto si alyas Agi, 39-anyos kag nakuhaan sang 300grams sang suspected shabu nga may standard drug price nga masobra P2 million.

Na-recover naman ang 235grams sang suspected shabu nga nagabalor sang P1.5 million sa drug buy bust operation sa Barangay Zone 2, Estancia.

Samtang sa Barangay Calaboa, Leganes, na-recover ang 50 grams sang suspected shabu nga may standard drug price nga P340,000.

Suno kay PRO 6 Acting Regional Director Police Brigadier General Randulf Tuaño, nakabulig ang intelligence-based policing kag ang padayon nga pagbuligya sang mga police units kag komunidad sa pagbato kontra illegal nga druga.