ILOILO— Na-recover ang masobra P2 million nga balor sang suspected shabu sa drug buy bust operation sa Brgy. Balabago, Jaro kaina sang hapon.
Subject si alyas Agi, 39-anyos, nga residente sang amo man nga barangay.
Suno kay Police Captain Glenn Soliman, Assistant Chief sang Regional Police Drug Enforcement Unit (RPDEU) masobra isa ka bulan ang pag-monitor sa illegal activities sang subject.
Madugay na nga naga-engage sa illegal nga druga ang subject pero subong lang nadakpan tungod wala siya naga-transact sang ginagmay nga sachets sang shabu.
Nakumpiskar ang 13 ka sachets kag lima ka knot-tied plastic sachets sang suspected shabu nga nagabug-at sang 300 gramos kag may standard drug price nga P2,040,000.
